रइपुर, 22 जुलाई 2021 बिरस्पत। स्कूली बच्चा मन के भविष्य गढ़े के संगे—ंसंगे उन ल समाजिक सरोकार ले जोड़े बर भरपूर निष्ठा अउ लगन ले जुटे रहइया शिक्षक मन के सम्मान सहीच म शिक्षा के प्रति उन्कर समर्पण के सम्मान हरे। आज प्रदेश के राज्यपाल सुश्री अनसुईया उइके अउ मुख्यमंत्री श्री भूपेश बघेल के हाथ ले राज्य स्तरीय शिक्षक सम्मान ले सम्मानित शिक्षक मन ह अपन अध्यापन शैली, विविध नवाचार अउ सामाजिक दायित्व मन के माध्यम ले नवा आयाम स्थापित करें हवयं।
आज राज्य शिक्षक सम्मान स्मृति पुरस्कार 2020 बर चयनित अइसन शिक्षकवृंद जिन ल राज्यपाल अउ मुख्यमंत्री ह शॉल-श्रीफल अउ सम्मान पत्र भेंट करके सम्मानित करीन अउ ये आसरा करीन कि शिक्षा के क्षेत्र म सम्मानित शिक्षक मन के बूता आने शिक्षक मन बर अनुकरणीय होही। राज्य शिक्षक पुरस्कार ले सम्मानित होवइया म श्रीमती मधु शर्मा महासमुंद जिला के शासकीय श्री राम उच्च प्राथमिक शाला में पदस्थ हे।
महासमुंद जिला के पिथौरा के शासकीय कन्या पूर्व माध्यमिक शाला के प्रधान पाठक श्री नरेश कुमार नायक, श्रीमती लीना वर्मा व्याख्याता शासकीय उच्चतर माध्यमिक विद्यालय पचेड़ा रायपुर, रायपुर जिला के शासकीय उच्चतर माध्यमिक विद्यालय खोला के व्याख्याता श्री राम गोपाल वर्मा, डॉ. मुकुटधर पाण्डे स्मृति पुरस्कार से सम्मानित श्रीमती रश्मि गुप्ता व्याख्याता शासकीय हायर स्कूल लिबियाडीह, जिला बिलासपुर, डॉ. बलदेव प्रसाद मिश्र स्मृति पुरस्कार ले नवाजे गेहे उच्च वर्ग शिक्षक श्री दिनेश कुमार पाण्डे शासकीय पूर्व माध्यमिक शाला ओछीनापार कोटा बिलासपुर, डॉ. पदुमलाल पुन्नालाल बख्शी स्मृति पुरस्कार ले सम्मानित शासकीय बालक पूर्व माध्यमिक शाला कौंदकेरा फिंगेश्वर जिला गरियाबंद के प्रधान पाठक श्री मुन्नालाल देवदास, शासकीय उच्चतर माध्यमिक विद्यालय कोहका जिला दुर्ग, के व्याख्याता श्रीमती शैलजा सुरेश, दुर्ग जिलेच के शासकीय पूर्व माध्यमिक शाला नेवई के उच्च श्रेणी शिक्षक डॉ. श्रीमती नीलांजना जैन हवयं।
