सिलगेर मामला म गांव वाले मन ले होईस गोठ बात

बीजापुर, 03 जून 2021। सिलगेर म चलत रैली म सामिल गांव वाले मन के मांग अऊ घटना के जांच करे बर बस्तर संसदीय क्षेत्र के श्री दीपक बैज के अध्यक्षता म विधायक मन के टीम ह गांव वाले मन ले मुलाकात करके ऊंखर कई मांग उपर सकारात्मक चर्चा करिन। जांच दल ह उंखर मांग उपर सकारात्मक पहल करत विकास के मुद्दा उपर समिति बनाए के सहमति दीन अऊ गांव वाले मन के आन मांग मन ल पूरा करे के आश्वासन दीन। ये बेरा म विधायक बस्तर अऊ बस्तर विकास प्राधिकरण के अध्यक्ष श्री लखेश्वर बघेल, संसदीय सचिव श्री चंदन कश्यप, विधायक चित्रकोट अऊ बस्तर विकास प्राधिकरण के उपाध्यक्ष श्री राजमन बेंजाम, बीजापुर विधायक अऊ बस्तर विकास प्राधिकरण के उपाध्यक्ष श्री विक्रम मंडावी, विधायक केशकाल श्री संतराम नेताम, विधायक कांकेर श्री शिशुपाल सोरी संग जिला पंचायत अध्यक्ष श्री शंकर कुड़ियम, उपाध्यक्ष श्री कमलेश कारम, बस्तर कमिश्नर श्री जी आर चुरेन्द्र, पुलिस महानिरीक्षक श्री पी सुंदरराज, डीआईजी सीआरपीएफ श्री कोमल सिंह, कलेक्टर बीजापुर श्री रितेश कुमार अग्रवाल, कलेक्टर सुकमा श्री विनीत नंदनवार, एसपी बीजापुर श्री कमलोचन कश्यप संग जनप्रतिनिधि अऊ अधिकारीगण उपस्थित रहिन।