सिलगेर घटना ल लेके जनसंगठन के प्रतिनिधि मण्डल ह मुख्यमंत्री ले करीन भेंट

रइपुुर 8 जून 2021 मंगल। मुख्यमंत्री दाउ भूपेश बघेल ले आज इहां उन्कर घरू कार्यालय म सिलगेर आंदोलन के संबंध म जनसंगठन मन के एक प्रतिनिधि मण्डल ह भेंट करीन। मुख्यमंत्री दाउ बघेल के संंग उन मन ये आंदोलन ले जुडे़ अबड़ अकन विषय मन उपर चर्चा करीन। मुख्यमंत्री ह प्रतिनिधि मण्डल ल बताईन कि सिलगेर घटना केे दण्डाधिकारी जांच करे जावत हवय। उन मन कहीन कि क्षेत्र के लोगन मन के विकास ले जुड़े जरूरत मन ल पूरा करे बर राज्य सरकार तियार हावय, उन मन जनसंगठन मन ले आगू आके राज्य सरकार के संग विकास के काम म सहयोग करे के अपील करीन। प्रतिनिधि मण्डल ह ये मांग रखीन कि सिलगेर गांव के एक प्रतिनिधि मण्डल मुख्यमंत्री दाउ बघेल ले मिलना चाहत हवय। मुख्यमंत्री ह उंकर ये मांग म सहमति व्यक्त करीन ।
प्रतिनिधि मण्डल म मानवाधिकार कार्यकर्ता सुश्री बेला भाटिया, छत्तीसगढ़ बचाव आंदोलन के संयोजक श्री आलोक शुक्ला, छत्तीसगढ़ किसान सभा के अध्यक्ष श्री संजय पराते अउ ट्रेड यूनियन संगठन एक्टू के महासचिव श्री बिजेन्द्र तिवारी संघरे रिहिन। येे बेरा म मुख्यमंत्री के सलाहकार श्री रूचिर गर्ग, अपर मुख्य सचिव गृह श्री सुब्रत साहू, विशेष पुलिस महानिदेशक श्री अशोक जुनेजा उपस्थित रिहिन।