छत्तीसगढ़ म किसान मन के आमदनी बढ़ाए ब संचालित करे जाथ हे सिल्क समग्र योजना

रेशम अधिकारि मन के योजना के क्रियान्वयन ब 5 दिवसीय प्रशिक्षण प्रारंभ
केन्द्रीय रेशम बोर्ड बैंगलूरू के अधिकारी देवत हे प्रशिक्षण
रायपुर, नेहा राठौर के खबर/  किसान मन के आमदनी बढ़ाए ब रेशम पालन ल बढ़ावा दिए जाथ हे, छत्तीसगढ़ म एकर ब सिल्क समग्र योजना-2 सुरू करे गए हे। ए योजना के सफल क्रियान्वयन ब राज्य के 14 जिला के रेशम अधिकारि मन के तकनीकी उन्नयन ब केन्द्रीय रेशम बोर्ड बेंगलूरू अउ ग्रामोद्योग विभाग के रेशम प्रभाग के संयुक्त तत्वाधान म 5 दिवसीय प्रशिक्षण कार्यक्रम संचालित करे जाथ हे।
एक मई ले सुरू होए प्रशिक्षण म अधिकारि मन ल किसान ल सहायता, प्रशिक्षण, विस्तार प्रबंधन, रेशम उत्पादन अउ व्यावसायिक उद्देश्य, क्लस्टर एप्रोच, शहतूती पौधा के विकास अउ प्रबंधन, रेशम विस्तार किसान मन इहां बुनियादी सुविधा के विकास, अधोसंरचना के निर्माण, शहतूत पौधा के रोग अउ कीट प्रबंधन, रेशम कीट पालन प्रबंधन अउ सावधानि के जानकारी दीए जाथ हे।ए प्रशिक्षण म जशपुर, सरगुजा, बलरामपुर, सूरजपुर, कोरबा, रायगढ़, जांजगीर-चांपा, रायपुर, मुंगेली, बिलासपुर, कांकेर, बस्तर, नारायणपुर, कोण्डागांव जिला से जिला अधिकारी अउ प्रक्षेत्र अधिकारी सामिल हवय।
प्रशिक्षण सत्र के शुभारंभ अवसर म संचालक ग्रामोद्योग श्री अरूण प्रसाद पी० अउ अपर संचालक डॉ० राजेश बघेल, ह बताइस कि छत्तीसगढ़ म किसान के आमदनी ल बढ़ाने ब रेशम विकास अउ विस्तार ल प्रथम प्राथमिकता दीए जाथ हे। प्रशिक्षण म कृषक मन दीए जाए वाले वित्तीय अउ तकनीकी सुविधा अउ राज्य सरकार कती ले किसान के हित म दीए जाए वाले वित्तीय सुविधा के जानकारी दीस।
अधिकारि मन ह बताइस कि राज्य म सिल्क समग्र योजना-2 के तहत निजी क्षेत्र म किसान के निजी भूमि म रेशम विस्तार कार्य करे जाथ हे। वर्ष 2023-24 म सिल्क समग्र योजना के क्रियान्वयन ब किसान मन के चयन करे जाथ हे। लगभग 975 एकड क्षेत्र म शहतूत पौधारोपण करे के प्रारंभिक तियारी सुरू कर दीए गए हे। योजना म 53 लाख 62 हजार उन्नत प्रजाति के शहतूत पौधा तियार करे जाथ हे, जेकर रोपण जुलाई-अगस्त म करे जाही।