व्यापक पैमाना म होही रेशम के उत्पादन, कई परिवार ल मिलही स्थाई रोजगार
नारायणपुर, 23 जुलाई 2020। अर्जुन के 65 हजार पेड़ वनांचल म उम्मीद के रेशमी किरन बगरावत हे। मनरेगा के तहत 40 एकड़ रकबा म लगाए गए ए पेड़ मन म रेशम विभाग अब कृमिपालन करके कोसा सिल्क उत्पादन के तैयारी म हे। एखर बर समूह बनाके स्थानीय गांव वाले मन ल प्रशिक्षण देहे जात हे। इहां कोसा उत्पादन ले 23 परिवार ल स्थाई रोजगार मिलही। नक्सल प्रभावित नारायणपुर के बोरण्ड ग्राम पंचायत के गोटाजम्हरी गांव म मनरेगा, रेशम विभाग अऊ जिला खनिज न्यास निधि के अभिसरण ले करीब चार साल पहिली लगाए गए कउहा (अर्जुन) के पेड़ अब पांच ले सात फीट के हो गे हे। रेशम विभाग गांव के ही 23 मनरेगा श्रमिक मन ल समूह बनाके ए पेड़ मन म टसर कोसा कृमिपालन के काम शुरु करे गए हे।
रेशम विभाग समूह के सदस्य मन ल 35-40 दिन के प्रशिक्षण देके कृमिपालन ले लेके कोसा फल संग्रहण तक के काम सीखाए जात हे। कृमिपालन बर पूरा 40 एकड़ के वृक्षारोपण ल अलग-अलग भाग म बांटे गए हे। समूह ह उत्पादित कोसाफल ल शासन के स्थापित ककून बैंक के माध्यम ले क्रय करे जाही। कोसा फल के विक्रय ले मिले राशि समूह के खाता म हस्तांतरित होही। एकर से कोसा सिल्क के उत्पादन ले एक संग 23 परिवार ल सरलग रोजगार मिलही। ओ मन रेशम उत्पादन म दक्ष होके बनेच कमाई करके बेहतर जीवन जी सकहीं।