छत्तीसगढ़ एक पईत फेर राष्ट्रीय स्तर म होइस सम्मानित

रायपुर, मुख्यमंत्री श्री भूपेश बघेल के मार्गदर्शन म छत्तीसगढ़ देश म अपन अलग पहिचान बनावत हे। श्री बघेल ह नेतृत्व म जनहित म जारी योजना मन के क्रियान्वयन अउ ऊंखर मानिटरिंग ल लेके छत्तीसगढ़ म उत्कृष्ट रूप ले काम मन के संपादन होवत हे अऊ एखर बर राष्ट्रीय स्तर म छत्तीसगढ़ ल लगातार पुरस्कार मिलत हे। इही कड़ी म छत्तीसगढ़ के ’’मोर मयारू गुरूजी’’ कार्यक्रम ल मिलीस राष्ट्रीय सिल्वर स्कोच अवार्ड। छत्तीसगढ़ राज्य बाल अधिकार संरक्षण आयोग के ’’मोर मयारू गुरूजी’’ कार्यक्रम ल राष्ट्रीय स्तर म सिल्वर स्कोच अवार्ड मिले हे। ये सम्मान ल इंडिया हैबिटेट सेन्टर नई दिल्ली म एक बड़े गरिमामय कार्यक्रम म आज स्कोच फाउण्डेशन कोति ले प्रदान करे गीस।