रायपुर, राजस्व विभाग के समीक्षा बैठक म जानकारी देहे गीस कि कमिश्नर ग्रामीण क्षेत्र मन म भ्रमण करके गांव वाले मन ले सीधा मुलाकात करके राजस्व प्रकरण मन के निराकरण के स्थिति के संबंध म जानकारी लेवत हें। मुख्यमंत्री ह राजस्व प्रकरण मन के जल्दी निराकरण बर कमिश्नर मन कोति ले करे गए ये पहल के सराहना करिन। उमन कहिन कि 7500 वर्गफुट तक के जमीन के आबंटन, व्यवस्थापन, फ्रीहोल्ड करे अऊ भू-भाटक प्रकरण मन के निराकरण के समीक्षा कमिश्नरउ मन जिला प्रवास के समय करे जाय अऊ एकर प्रतिवेदन राज्य शासन ले भेजे जाय। अइसनहे उमन ग्रामीण अऊ नगरीय क्षेत्र मन म आबादी पट्टा के वितरण के जानकारी अपडेट करे अऊ कलेक्टर मन ले जिला म नारंगी जमीन के अपडेट जानकारी मंगाए के निर्देश दीन।
मुख्यमंत्री ह कहिन कि तहसील कार्यालय मन म मूलभूत सुविधा मुहैया कराव अऊ कर्मचारी मन, हितग्राही मन के बइठे के बने व्यवस्था करव। वृक्ष कटाई के प्रकरण मन के निराकरण के स्थिति के समीक्षा करत मुख्यमंत्री ह कहिन कि राज्य सरकार कोति ले भू-स्वामी मन के जमीन म स्थित वृक्ष कटाई के नियम मन के सरलीकरण करे गए हे। जेखर अनुसार खुद के जमीन म रोपित वृक्ष मन के कटाई बर भू-स्वामी ल निरधारित प्रपत्र म एसडीएम ल सूचना देना होही। कहूं वृक्ष प्राकृतिक रूप ले उगे हे त अइसन वृक्ष के कटाई बर भू-स्वामी ल एसडीएम ले लिखित अनुमति प्राप्त करना होही। अनुमति देहे बर समय सीमा के निर्धारण घलोक कर दे गए हे। मुख्यमंत्री ह नियम मन म करे ए संशोधन मन के प्रचार-प्रसार करे के निर्देश दीन ताकि जरूरतमंद मनखे मन ल एकर लाभ मिल सकय।
अपन भूंइया के पेंड़ काटे के सरलीकरन नियम के बारे म जनता ल बताव: मुख्यमंत्री भूपेश बघेल
