घर-परिवार के संग अपन परिवेश ल घलो स्वच्छ रखना हमार जिम्मेदारी: उप मुख्यमंत्री श्री सिंहदेव

स्वच्छता पखवाड़ा अभियान म संघरिस उपमुख्यमंत्री
कौशल विकास ब युवा मन ल करिस प्रोत्साहित
रायपुर, 31 जुुलाई 2023
उप मुख्यमंत्री श्री टी.एस. सिंहदेव ह कहिस कि स्वच्छता के प्रति सजग रहना अत्यंत आवश्यक हे। स्वच्छता के व्यापक दृष्टिकोण हे, अपन घर-परिवार के संग हमार परिवेश ल घलो स्वच्छ रखना हमार जिम्मेदारी हे। कचरा प्रबंधन के क्षेत्र म सरगुजा (अम्बिकापुर) जिला ह राष्ट्रीय स्तर म के उपलब्धि पाईस हे, ओ स्तर ल बनाये रखना हम सबके जिम्मेदारी हे। श्री सिंहदेव ह काली अम्बिकापुर म कौशल विकास योजना अंतर्गत कंप्यूटर लैब अउ डिजिटल बोर्ड के उद्घाटन कार्यक्रम ल सम्बोधित करत रहिस हे।
उप मुख्यमंत्री ह स्किल डेवलपमेंट कार्यक्रम ले प्रशंसा करत हुए कहिस कि कौशल विकास के गतिविधि ले युवा आर्थिक रुप ले सशक्त होए के साथ-साथ समाज म बेहतर स्थान प्राप्त करही। श्री सिंहदेव ह विभिन्न गतिविधि के विजेता ल प्रमाणपत्र देके सम्मानित करिस। उप मुख्यमंत्री श्री सिंहदेव ए मौका म कौशल विकास उद्यमिता मंत्रालय भारत सरकार के मार्गदर्शन म आयोजित स्वच्छता पखवाड़ा अभियान कार्यक्रम म घलो संघरिस। 
ए अवसर म श्रम कल्याण बोर्ड के अध्यक्ष श्री शफ़ी अहमद, जन शिक्षण संस्थान के डॉ एस ए नैयर, ब्लड बैंक प्रभारी श्री विकास पांडे सहित स्थानीय जनप्रतिनिधि व प्रशिक्षणार्थी उपस्थित रहिस हे।
Neha Rathore