प्रदेश के पहली सबले लम्बा कोल्डमिक्स तकनीक ले सड़क बने ले अब नइ करना परय मनखे मन ल 12 किमी के अकतहा सफर
धमतरी, नगरी मुख्यमार्ग (भण्डारवाही) ले सिंगपुर तक करीबन साढ़े 12 किलोमीटर लम्बा सड़क बने ले ओ कोति के रहवईया मन ल जिला मुख्यालय जाय बर बड़ राहत मिले हे। ये पक्का रोड के बने ले सिंगपुर, कमईपुर संग आठ गांव के गांव वाले मन के रद्दा सुगम हो गए हे। पक्का सड़क बने के पहिली हिचकोला खात दुपहिया वाहन म सफर करे म अक्सर दुर्घटना के आशंका बने रहय, अब सिरिफ 15 ले 20 मिनट म सिंगपुर-कमईपुर के मनखे नगरी मुख्यमार्ग पहुंच जथें। ये रोड के एक खासियत ये घलोक हे कि ये कोल्ड मिक्स तकनीक ले बने प्रदेश के पहली पक्का सड़क ये, जेकर लम्बाई 12.400 किलोमीटर हे।
