पुरातात्विक धरोहर मन ल सहेज के रखना सबो के जिम्मेदारी

रायपुर, पुरातत्व नगरी सिरपुर म एक दिवसीय संगोष्ठी के आयोजन करे गीस। संगोष्ठी के समय रायपुर के वरिष्ठ इतिहासकार प्रो. डॉ. एस.एल. निगम, डॉ. रमेंद्रनाथ मिश्र अऊ ग्राम सिरपुर निवासी प्रधान पाठक श्री आदित्य सिंह ठाकुर ह संबंधित विसय म अपन विचार रखिन। इतिहासकार मन ह संगोष्ठी म उपस्थित स्कूली लइका मन के सिरपुर अऊ ओखर से जुड़े इतिहास के जिज्ञासा अऊ संबंधित प्रश्न के समाधान घलोक करिन। ये बेरा म इतिहासकार मन ह सिरपुर के वैभवशाली इतिहास के बारे म अपन विचार व्यक्त करिन। ये संगोष्ठी के आयोजन सिरपुर के कांवरिया शेड मेला मैदान म करे गीस। संगोष्ठी म इतिहास म रुचि रखइया स्कूल, कॉलेज संग प्रतियोगी परीक्षा के तैयारी करत भाग लेवइया उपस्थित रहिन।