महासमुन्द, मुख्यमंत्री श्री भूपेश बघेल महासमुंद विधानसभा अंतर्गत ग्राम पंचायत सिरपुर के भेंट-मुलाकात कार्यक्रम म पहुंचिन। उमन छत्तीसगढ़ महतारी के छायाचित्र म माल्यार्पण करके अऊ राज्य गीत ले कार्यक्रम के शुरुआत करिन। मुख्यमंत्री ह कहिन कि सिरपुर कभू छत्तीसगढ़ के राजधानी रहिस। कभू शिक्षा अऊ व्यापार के केंद्र रहस। बौद्ध भिक्षु मन के ये केंद्र ये। व्यापार अऊ व्यवसाय के घलोक रहिन केंद्र रहिस। कई साल जुन्ना इहां के इतिहास हे। व्यापार-व्यवसाय आयुर्वेद अऊ शिक्षा के केंद्र ये ह रहे हे। उमन बताईन के ये पवित्र जगा म पता नहीं कतका भिक्षु मन ह ध्यान करे होहीं। नागार्जुन के ये तपोस्थली रहे हे। कतेक संस्कृति के कतका मनखे इहां आए होहीं। ये सोच के ही मन रोमांचित हो जाथे।
भेंट-मुलाकात : सिरपुर, महासमुन्द विधानसभा
