सीसल शिल्प बनत हे जनजातीय महिला मन के आजीविका के साधन: मंत्री गुरु रूद्रकुमार

जगदलपुर, ग्रामोद्योग मंत्री गुरु रुद्रकुमार के संवेदनशील पहल म शिशल शिल्प जनजाति महिला मन के आजीविका के साधन बनत हे। हम आपला बता देवन के ग्रामोद्योग विभाग के हस्तशिल्प विकास बोर्ड कोति ले ग्रामीण अंचल मन म मनखे मन ल कई ठन शिल्प कला उपर आधारित प्रशिक्षण कार्यक्रम आयोजित करके मनखे मन ल सीधा रोजगार ले जोड़त हे अऊ ओ मन ल घरे म रोजगार उपलब्‍ध करावत हे। इही कड़ी म हस्तशिल्प विकास बोर्ड जगदलपुर, जिला बस्तर कोति ले ग्राम पंचायत गरावंड के पुजारीगुड़ा ग्राम म शिशल शिल्प के 3 महिना के प्रशिक्षण कार्यक्रम आयोजित करे गए रहिस।
हस्तशिल्प विकास बोर्ड जगदलपुर, जिला बस्तर के महाप्रबंधक श्री एल एस वट्टी ह बताइस कि ग्राम पंचायत गरावंड अंतर्गत पुजारीगुड़ा ग्राम म विभागीय योजना अंतर्गत तीन महिना के प्रशिक्षण कार्यक्रम आयोजित करे गए हे। ये प्रशिक्षण कार्यक्रम म शिशल शिल्प ले जुड़े 20 जनजाति महिला मन के चिन्‍हारी कर के ओ मन ल प्रशिक्षण देहे जात हे। 12 अकटूबर ले 10 जनवरी 2022 तक आयोजित ये प्रशिक्षण कार्यक्रम म प्रशिक्षणार्थी मन ल 1500 रुपए प्रति महिना के दर ले छात्रवृत्ति प्रदान करे जाही। प्रशिक्षण के बाद शिल्प कला उंखर आजीविका के साधन बन जाही अऊ उमन ल घरे म रोजगार उपलब्‍ध हो जाही। शिल्पकार मन प्रशिक्षण के समय तियार करे गए शिल्पकला ल हस्तशिल्प विकास बोर्ड ह बाजार घलोक मुहैया कराही।