जांजगीर चांपा, 22 दिसम्बर 2020। नवागढ़ के खिसोरा गांव म एक बहन ह रिश्ता ल शर्मसार करत हुए अपन भाई ल मउत के घाट उतार दिस। मिले जानकारी के अनुसार 16-17 दिसम्बर के दरमियानी रात बहन ह भाई ऊपर सब्बल ले हमला कर दिस, जेखर ले भाई के मउत हो गए। पुलिस ले मिले जानकारी अनुसार बहन ह बर्बरता के हद पार करत हुए भाई के चेहरा म करंट घलो लगाय रिहिस। आरोपी बहन ल पुलिस ह गिरफ्तार कर लेहे हे। पुलिस के मुताबिक महिला अपन भाई के मारपीट अऊ आर्थिक मदद नई करे ले परेशान रिहिस।
गुरतुर गोठ बर- भीषम वर्मा