रइपुर, 06 मई 2021 बिरस्पत । कोविड -19 महामारी ले बचाव बर राज्य सरकार कोति ले चलत टीकाकरण अभियान म सियान मन के ड्राइव इन वैक्सिनेशन सुविधा आज ले दुरूग जिला म आरम्भ हो गे। सियान मन अपन कारेच म बइठे बइठेे वैक्सीन लगवावत हावय। आधा घंटा कारे वैक्सीन लगे के पीछू उन ल अराम करना होथे ।
ये सुविधा ले सियान मन ल अबड़े सुहाइस हे। दुरिहा रहिके अराम के तको मिले के सेति ये ह सियान मन अबड़े उपयोगी होवत हावय। आज 80 बछर के ले तको जादा उमर के सियान वैक्सिनेशन बर आइन जेमा कतको झन अइसनोहो रिहिन जेमन ल चले फिरे म समस्या रिहिसे
तेकर सेति अब तक टीका नइ लगे पाए रिहिसे। उन्कर परिजन मन कहीन कि घर के सियान मन के वैक्सिनेशन के चिंता ये सहज सुविधा ले आज दूर हो गे। एकर बर जगा भेलई के सूर्या शॉपिंग मॉल के पार्किंग ल चुने हावय । सुविधा आरंभ होए के पहिली दिन विधायक श्री देवेंद्र यादव अउ कलेक्टर सर्वेश्वर नरेंद्र भूरे तको रिहिने । सियान मन बताइन कि ये सुविधा गजब सुग्घर लागिस, गर्मी बहुत अधिक हे
तेकर पाय केे वैक्सीनेशन सेंटर म देर तक रुके म कठिनई होथे। गाड़ी म बइठे बइठे ये सुविधा मिले ले हमर चिंता दुरिहा गे। गाड़ीच म थोरके बेरा म वैक्सीनेशन हो गे अउ सोशल डिस्टेंसिंग तको होगे। ये बेरा म नगर निगम आयुक्त श्री ऋतुराज रघुवंशी तको रिहिन। सूर्या शॉपिंग मॉल मे ये कार्यक्रम जिला प्रशासन के मार्गदर्शन म भेलई नगर निगम कोति ले करे जावत हावय। काली संझा कन के सबो सियान मन ल व्हाट्सएप ग्रुप म एकर सूचना दे दिए रिहिने, एकर छोड़ प्रेस , इलेक्ट्रॉनिक मीडिया अउ सोेशल मीडिया के माध्यम ले तको सियान मन एकर संबंध म सूचित करे रिहिने । या गया। आज बिहिनेच ले अबड़ झन सियान मन सूर्या मॉल पहुंचिन अउ वैक्सीनेशन के लाभ लेवत रिहिनेे । बिहिनिया वैक्सिनेशन सेशन के आरंभ होए के 3 घंटा के भीतर 60 ले जादा झन सियान मन वैक्सिनशन करा डारे रिहिने।