कका के जागिस लइकई!

रायपुर, मुख्यमंत्री श्री भूपेश बघेल अपन प्रदेशव्यापी भेंट-मुलाक़ात अभियान म हें। ये समे म अड़बड़ अकन अइसे मौक़ा आगू आवत हे, जब मुख्यमंत्री श्री बघेल अलगेच अंदाज़ म दिखत हे। अइसहेच एक मौका आज गौरेला म दिखिस। भेंट-मुलाक़ात अभियान के बेरा म गौरेला पहुँचे मुख्यमंत्री श्री भूपेश बघेल जइसनहे गुरुकुल स्टेडियम के हैलीपेड म अपन चौपर ले उतरिन उंखर नजर स्टेडियम म स्केटिंग करत लइका मन उपर परिस। स्केटिंग के लोभलोभावन अंदाज़ ल देखके मुख्यमंत्री श्री बघेल के घलोक लइकई जाग गे। मुख्यमंत्री चिटिकुन बिलमें बिना लइका मन तीर पहुँच गीन अऊ लइका मन के स्केटिंग स्टाइल ल सहराईन। उमन लइका मन ले स्केटिंग के टेक्निक्स ल लेके घलोक बातचीत करिन। ये बेरा म मुख्यमंत्री के चेहरा म अलगेच उमंग अऊ उछाह दिखत रहिस।