तीस महिला मन ल मिलीस श्रम मंत्री के हाथ सिलाई मशीन
सिलाई-कढ़ाई के प्रशिक्षण लेवइया पहिली दस महिला मन ल मिलही दुकान: डॉ. शिवकुमार डहरिया
रायपुर, 18 सितंबर 2020। शहर के गली-मुहल्ला म घूम-घूम के कचरा सकलइया 30 महिला मन अब सम्मान जनक कारोबार ले जुड़े जात हें। श्रम मंत्री डॉ. शिवकुमार डहरिया ह ए महिला मन ल सिलाई-कढ़ाई के रोजगार अपनाए बर निःशुल्क सिलाई मशीन बांटे हें। राजधानी रायपुर के तेलीबांधा स्थित शहीद वीर नारायण सिंह कौशल उन्नयन केन्द्र म ए महिला मन ल सिलाई मशीन के संगें-संग वोखर तात्कालिक खर्च बर एक-एक हजार रूपिया के अग्रिम राशि घलोक दीन।
