पुराना प्लान ले ही बनही स्काईवॉक लंबा-चौड़ा मंथन के बाद म फैसला

रायपुर, 7 अक्टूबर 2020। प्रदेश म सरकार बदले के तुरंत बाद यानी पौने 2 साल पहली रुके स्काईवॉक के अधूरा काम जल्दी शुरू होही अउ डिजाइन घलो लगभग उही रिही, जेमा निर्माण रुके ले पहली काम चलत रिहिस। पुराना प्लान म शास्त्री चौक म रोटेटरी प्रस्तावित रिहिस अउ लंबा-चौड़ा मंथन के बाद पीडब्ल्यूडी महकमा ह नवा सिरा ले जेन प्रस्ताव बनाय हे, ओमा घलो मौजूदा ढांछा के संग रोटेटरी शामिल हे। पीडब्ल्यूडी के इंजीनियर मन ह ये प्रस्ताव बना के सामान्य सुझाव समिति ल सौंप देहे हे। वरिष्ठ कांग्रेसी विधायक सत्यनारायण शर्मा के अध्यक्षता वाले समिति येमा विचार के बाद मुहर लगाही, जेमा शहर के सबो विधायक हे। इंजीनियर मन ह प्लान म स्पष्ट कर दिस हे कि रोटेटरी नइ बने ले स्काईवॉक के मजबूती बुरा तरह प्रभावित होही, एखर सेती येला छोड़ नइ सकत। येमा बदलाव घलो छोटे-मोटे ही होही, जइसे इहा संभव हे की शहीद स्मारक के पार्किंग अउ मल्टीलेवल पार्किंग तक जवइया एस्केलेटर कैंसिल हो जाए। इंजीनियर मन ह रोटेटरी के बिना घलो स्काईवॉक ल पूरा करे के दूसरा प्रस्ताव बनाय रिहिस, लेकिन मजबूती ल ध्यान म रख के खारिज कर देहे हे। डिजाइन अउ प्रस्ताव सामान्य सुझाव समिति ल सौंप देहे हे। मुहर लगय के बाद काम जल्दी शुरू होय के उम्मीद हे।