सोशल डिस्टेंसिंग ले करत हें वनोपज संग्रहण: अब तक 10 लाख 15 हजार ले जादा कीमत के लघु वनोपज संग्रहित
बिलासपुर, 29 अप्रैल 2020। बिलासपुर जिला म लॉकडाउन के समय लघु वनोपज संग्राहक मन ल आय के समस्या झन होवय ये खातिर सोशल डिस्टेंसिंग के पालन करत जंगल मन म संग्राहक मन लघु वनोपज के संग्रहण करत हें। अब तक 959 संग्राहक मन 10 लाख 15 हजार ले जादा कीमत के 429 क्विंटल लघु वनोपज के संग्रहण हो गए हे।
प्रबंध संचालक जिला वनोपज सहकारी यूनियन बिलासपुर के बताती जिला म ये सीजन म 9959 क्विंटल अराष्ट्रीयकृत लघु वनोपज संग्रहण के लक्ष्य रखे गए रहिस। लक्ष्य के विरूद्ध अब तक 429 क्विंटल के संग्रहण हो गए हे। बिलासपुर म 23 प्राथमिक लघु वनोपज सहकारी समिति मन हें। जेमा ले 10 समिति मन चरौटा, हर्रा, बहेरा, नागरमोथा, शहद, रंगीन लाख, महुआ फूल, महुआ बीज, साल बीज, चिंरौंजी गुठली, बेल गुदा अऊ अमली के संग्रहण करके समर्थन मूल्य म विक्रय करे जात हे। ए लघु वनोपज मन के अब तक 934 संग्राहक मन 418 क्विंटल विक्रय करे हें।
समर्थन मूल्य के अकतहा संघ दर म माहुल पत्ता, तिखुर, वन तुलसी वनोपज के घलोक संग्रहण करके विक्रय करे जात हे। अब तक 25 संग्राहक मन ह ए वनोपज मन के 10 क्विंटल विक्रय करे हें। संग्राहक मन ल समिति कोति ले ऊंखर खाता म 3 लाख 24 हजार रूपिया, स्व-सहायता समूह के माध्यम ले 3 लाख 29 हजार रूपिया अऊ धनादेश के माध्यम ले 1 लाख 7 हजार रूपिया मने कुल 7 लाख 60 हजार रूपिया ले जादा के भुगतान कर दे गए हे अऊ बांचे भुगतान बर प्रक्रिया जारी हे।
