बिलासपुर : स्वामी आत्मानंद स्कूल की एक अउ कामयाबी

स्वामी आत्मानंद मल्टीपरपज विद्यालय ह जितीस सीड द फ्यूचर एंटरप्रेन्योरशिप प्रतियोगिता के खिताब
शहर के लईका मन गुड़गांव म आयोजित जी 20 सम्मेलन म देही प्रस्तुति
कलेक्टर ह स्कूल प्रशासन अउ लईका मन ल दीस बधई
बिलासपुर, 25 जून 2023
स्वामी आत्मानंद स्कूल ह एक ठ कामयाबी पाइस हे। पुणे म आयोजित सीड द फ्यूचर एंटरप्रेन्योरशिप के खिताब जीत के जिला समेत पूरा प्रदेश ल गौरांवित करिस हे। फ्रांस के कंपनी लॉ फाउंडेशन कती ले आयोजित सीड द फ्यूचर एंटरप्रेन्योरशिप प्रतियोगिता म पहिली स्थान पाइस हे। लईका मन अब गुड़गांव म आयोजित जी 20 सम्मेलन म 4 जुलाई के प्रस्तुति देही। कलेक्टर श्री सौरभ कुमार ह ए महत्वपूर्ण उपलब्धि क लईका मन समेत पूरा टीम ल बधई अउ शुभकामना दिस हे।  
      गौर करे लईक बात हे कि ए प्रतियोगिता म टॉप 75 विद्यालय अउ नॉन एटीएल के 25 विद्यालय समेत कुल 100 विद्यालय के चयन करे गय रहीस हे। चयन होए के गए ले विगत 8 महीना ले विभिन्न चरण म 3डी द्वारा निर्मित प्रोडक्ट अउ एंटरप्रेन्योर प्रतियोगिता कराईस अउ 5 जोन के विजेता अउ उपविजेता मजबल 22 जून के पुणे म आयोजित फिनाले म आमंत्रित करे गय रहीस हे। पुणे के टीप एंड टाउन होटल म प्रतियोगिता के परिणाम फ्रांस के कंपनी ला फाउंडेशिया डीसो सिस्टेम ह घोषित करिस। जेमा स्वामी आत्मानन्द मल्टीपरपज स्कूल बिलासपुर ल विजेता घोषित करे गईस। उपविजेता सिक्किम ह रहिस। बिलासपुर के आत्मानंद स्कूल ल विजेता घोषित करे जाए म शहर के छात्र-छात्रा मन म हर्ष व्याप्त हे।
Neha Rathore