कलेक्टर ह जांजगीर-चांपा के औंराईकला अऊ अकलतरी म लगाइस चौपाल
जांजगीर-चांपा, कलेक्टर श्री जनक प्रसाद पाठक ह बिरसपत के दिन अकलतरा विकासखण्ड के ग्राम अकलतरी अऊ बलौदा विकासखण्ड के ग्राम औंराईकला के गौठान परिसर म चौपाल लगाके गांव वाले मन ले चर्चा करिन। कलेक्टर ह कहिन कि राज्य शासन के योजना के तहत उपजाऊ जैविक खाद बर स्मार्ट घुरवा अऊ वर्षा जल ल संरक्षित करे बर नरवा के आधुनिक ढंग ले प्रबंधन करे जात हे। कलेक्टर ह अकलतरी गौठान के तीर कर्रानाला म जल प्रबंधन के संबंध म गांव वाले मन ले चर्चा करिन। उमन गौठान के तीर लगाये जात नेपियर घास के चारागाह के घलोक निरीक्षण करिन। गौठान परिसर म पीपर अउ बर के पौधा रोपे अउ राष्ट्रीय परिवार सहायता कार्यक्रम के तहत श्रीमती उषा व सावित्री ल 20-20 हजार रूपया के चेक प्रदान करिन अउ ग्राम पंचायत के सरपंच ल चारागाह म चारा लगाय बर बीज प्रदान करिन।
चौपाल म जिला पंचायत सदस्य श्रीमती कल्याणी साहू, जनपद सदस्य श्रीमती वन देवी, जांजगीर एसडीएम श्री के एस पैकरा, अकलतरा जनपद सीईओ श्री अन्वेश धृतलहरे, बलौदा जनपद सीईओ श्रीमती नेहा सिंह, तहसीलदार श्री अतुल वैष्णव, अनुज पटेल, जिला पंचायत के पहिली अध्यक्ष पूर्णेन्द्र सिंह राणा, श्री विनोद शुक्ला, ग्राम पंचायत के जनप्रतिनिधि, गौठान समिति के सदस्य अऊ ग्रामीण उपस्थित रहिन।
