50 हजार के शराब पकड़इस, कार के संग तस्कर गिरफ्तार

जगदलपुर, 22 फरवरी 2021। पड़ोसी राज्य एमपी के शराब माफिया मन के मंसूबा ल बोधघाट पुलिस ह विफल कर दीस हे। पुलिस टीम ह बड़का मात्रा म अवैध अंग्रेजी शराब के संग एक कोचिया ल पकड़ा हे। पुलिस टीम ह जोन अवैध शराब जब्त करे हे, ओखर कीमत 50 हजार ले जादा के आंके गए हे। बोधघाट टीआई धनंजय सिन्हा ह बतइन कि मुखबिर ले सूचना मिलिस कि एमपी के शराब तस्कर बोधघाट इलाका के करकापाल म शराब खपाये के फिराक म हे। सूचना म पुलिस व आबकारी विभाग के टीम तैयार करे गीस। ये दौरान करकापाल रेल्वे फाटक के तीर एक कार ल चेक करे गीस। चैकिंग के दौरान 10 पेटी करीब 500 अंग्रेजी शराब बरामद करे गीस। पूछताछ म आरोपी युवक ह अपन नाम कमलेश नायक कोंडागांव के रहने वाला बतइस। आरोपी ऊपर आबकारी एक्ट के तहत कार्यवाही करे गए हे। पुलिस ह आवश्यक कार्रवाई करत हुए आरोपी ल न्यायिक रिमांड म जेल भेज देहे हे।