महासमुंद, 21 सितंबर 2020। कोमाखान पुलिस ह कार ले गांजा के तस्करी करत हुए दु आरोपी ल धर दबोचीस हे। संग म कार ले 70 किलो गांजा ल जब्त करिन हे। दरअसल ओडिशा वाले अवैध गांजा तस्कर मन उपर नजर रखे जावत रिहिस। एखर तहत 20 सितंबर के एनएच 353 फारेस्ट नाका टेमरी म पुलिस ल मुखबिर ले सूचना मिलिस।मुखबिर ह बतइस कि होंडा सिटी कार ले भारी मात्रा म गांजा के तस्करी करे जावत रिहिस।
ये सूचना के बाद नाकाबंदी कर होंडा सिटी Gj12 Ak 5732 ल रोक के चेक करे गिन। ये दौरान कार म 70 किलो गांजा मिलिस। एखर बाद पुलिस ह कार सवार अरुण कुमार पाणिग्रही पिता विश्वनाथ पाणिग्रही (30) ग्राम कोदला थाना कुदला जिला गंजाम ओडिशा अउ सूर्या सबर पिता एरना सबर (20) ग्राम किराम्बो थाना मोहना जिला गजपति ल गिरफ्तार करिस। आरोपी मन ले पुलिस ह होंडा सिटी 5 लाख के कीमती कार अउ 70 किलो गांजा कीमत 14 लाख, तीन मोबाइल अउ दुनों ले नगदी रकम 5000 रुपिया सहित कुल 19,12,400 रुपिया के संपत्ति जब्त करे गिस।
