सोशल मीडिया के पोस्ट म प्रशासन ह माइलोगन के करीस मदद : कलेक्टर ह टीम भेजके मदद बर दीस निर्देश

कोण्डागांव, 06 मई 2021 बिरस्पत । सोशल मीडिया म अइसे तो हजारों लोगन मनोरंजन के साधन के रूप म प्रयोग करथे, फेर ये डिजिटल जमाने म सोशल मीडिया कई दफे लोगन के जिनगी म परिवर्तन के साधन बनके उभरथे । अइसने मंगलवार के एक झिन माइलोगन ट्विटर म कोण्डागांव डिस्ट्रिक्ट एकाउंट ल टैग करत लिखे रिहिसे कि कोण्डागांव विकासखंड के भगदेवा गांव म एक परित्यक्ता महिला घर म दू झिन लइका मन संग रहिथे। उन्कर तीर खाए बर राशन अउ जीविका के कोनो साधन नइ हे। लॉकडाउन म ओला सहायता के आवश्यकता हे। एला संज्ञान म लेवत कलेक्टर पुष्पेंद्र कुमार मीणा ह तुरते विकासखंड के अधिकारी मन ल मौका म जाके माइलोगन के सहायता बर निर्देशित करीन ।जेकर ले आज जनपद पंचायत सीईओ अमित भाटिया भगदेवा गांव पहुंच माइलोगन ले मुलाकात करीस । जांच म पाइस कि माइलोगन संग ससुराल वाले मन ले कहा सुनी के बाद माइलोगन अकेल्ला रहिथे ओकर संग ओकर दूझिन नान्हे नान्हे लइका अढ़ई बछर के बेटी अउ डेढ़ साल का बेटा तको हे।
एमा सीईओ कोति ले माइलोगन ल 50 किलो चांउर अउ एक हजार रुपिया के तुरते आर्थिक सहायता देहे गईस संग म परिवार ले अलग ओकर बर राशन कार्ड बनाए के प्रक्रिया चालू कर देहे गे हे। महिला ल मुख्यमंत्री सुखद सहारा पेंशन योजना ले तको जोड़े जावत हवय । ए मदद बर माइलोगन कोति ले कलेक्टर अउ प्रशासन के अभार व्यक्त करीस हे कि ओकर ये कठिन समय म सहायता बर हाथ बढ़ाइस हे जबकि ये समे अपने मन संग छोड़ देहे रिहिने।