समाज कल्याण विभाग कोति ले सात मनखे मन ल मिलीस सुने के मसीन

धमतरी, जिला के सात हितग्राही मन ल समाज कल्याण विभाग कोति ले श्रवण यंत्र प्रदाय करे गीस। उप संचालक, समाज कल्याण विभाग श्री एम.एल.पॉल ह बताइस कि 40 प्रतिशत श्रवण बाधित ए हितग्राही मन ह 15 मार्च के श्रवण यंत्र बर आवेदन प्रस्तुत करिन। विभाग कोति ले तुरंते ओ आवेदन ल स्वीकार करके श्रवण यंत्र प्रदाय करे गीस। एमां कुरूद तहसील के ग्राम गुदगुदा के 65 वर्षीय श्रीमती सामवती साहू, श्री भीखु राम साहू, ग्राम चटौद के 70 वर्षीय श्री नेमु राम साहू, ग्राम खैरा के 77 वर्षीय श्री बद्री राम साहू अऊ नगर पंचायत कुरूद के 80 वर्षीय श्री फूल सिंह साहू सामिल हे। अइसनहे मगरलोड तहसील के ग्राम कुंडेल निवासी 65 वर्षीय श्रीमती अनुसूइया बाई साहू अऊ नगरी तहसील के ग्राम बिलभदर निवासी 70 वर्षीय श्री दुख राम ल घलोक विभाग कोति ले श्रवण यंत्र देहे गीस।