समाज सेवी अऊ व्यवसायी घलोक कोविड मरीज मन के इलाज म मदद बर आगू आवव

बिलासपुर, 25 सितंबर 2020। अब समाज सेवी व्यवसायी घलोक कोरोना संक्रमण ले पीड़ित मरीज मन के इलाज म मदद करे बर आगू आवत हें। बिलासपुर शहर के समाजसेबी मन अऊ व्यवसायी मन कोति ले आज जिला कलेक्टर डॉ. सारांश मित्तर ल 17 ऑक्सीजन सिलेंडर देहे गीस।

डॉ. मित्तर ह शहर के सामाजिक अउ व्यावसायिक संगठन मन ले कोविड अस्पताल मन म सुविधा बढ़ाय बर सहयोग के अपील करे रहिन। इही कड़ी म आज बीएनआई संस्था बिलासपुर कोति ले 12 ऑक्सीजन सिलेंडर देहे गीस। एखर बर 150 ले जादा सदस्य मन ह मिलके राशि जमा करे रहिन। अइसनहे बिलासपुर होटल एसोसिसयेशन कोति ले 5 ऑक्सीजन सिलेंडर अऊ ट्रांसपोर्ट एसोसियेशन, मर्चेन्ट एसोसियेशन अउ स्वयंसेवी संस्था विस्डम ट्री फाउन्डेशन कोति ले ऑक्सीजन सिलेन्डर प्रदान करे गीस। आज उपलब्‍ध कराये गये ए ऑक्सीजन सिलेन्डर मन ले कोविड-19 के गंभीर मरीज मन के उपचार म सहायता मिलही। डॉ. मित्तर ह कोरोना के लड़ई म सहयोग बर उंखर आभार व्यक्त करिन। उमन शहर के संस्था अउ सामाजिक संगठन मनले अपील करे हें के ओ मन कोरोना मरीज मन के इलाज के सुविधा बर जादा ले जादा सहयोग करयं।

ये बेरा म किरणपाल सिंह चावला, रजत मल्होत्रा, जसबीर चावला, सोहेल खान, कपिल अरोरा, अमित वासुदेव, परमजीत सिंह, प्रकाश सोन्थलिया चिन्टू, शरद अग्रवाल, गौरव छाबड़ा, डॉ. पलक जायसवाल, अंकित दुबे, ऋषभ शर्मा आदि उपस्थित रहिन।