कबीरधाम, मुख्यमंत्री श्री भूपेश बघेल के प्रदेशव्यापी भेंट-मुलाकात के समय सोहागपुर गांव के श्रीमती फूलबाई पटेल ह बताइस कि तालाब म मछली पालन ले 25 हजार रुपिया के आमदनी होए हे। ऊंखर समूह म 10 सदस्य हे। समूह ह 80 रुपिया ले 100 रूपिया प्रति किलोग्राम के दर ले मछली बेंचत हे। एखर अलावा ऊंखर समूह ह गौठान म वर्मीं कम्पोस्ट के घलोक निर्माण करत हे। उमन ह अब तक एक लाख रुपिया के वर्मी कम्पोस्ट के बेंच डरे हें।
श्रीमती फूलबाई पटेल के बताती समूह के सदस्य मन पहिली दूसर के खेत म काम करत रहिन। फेर राज्य सरकार ह जब ले सुराजी गांव योजना के तहत गांव म गौठान के निर्माण करे हे, गोधन न्याय योजना के तहत गोबर खरीदी के शुरुवात होए हे, तब ले ही समूह के महिला मन ल अकतहा आमदनी के जरिया मिल गए हे। समूह के महिला मन गौठान म वर्मी कम्पोस्ट के अलावा आन आजीविकामूलक गतिविधि मन ले जुड़के आर्थिक रूप ले सशक्त होवत हें। उमन प्रदेश के महिला मन ल आत्मनिर्भर अऊ आर्थिक रूप ले मजबूत बनाए बर चलाए जात शासन के महत्वाकांक्षी योजना मन बर मुख्यमंत्री श्री बघेल ल धन्यवाद ज्ञापित करिन।
सोहागपुर के फूलबाई पटेल ह मछली पालन ले कमाइस 25 हजार रुपिया, मुख्यमंत्री ह सहराईन
