कबीरधाम, प्रदेशव्यापी भेंट-मुलाकात कार्यक्रम के समय मुख्यमंत्री श्री भूपेश बघेल ल कबीरधाम जिला के ग्राम सोहागपुर के श्री नारायण यादव ह बताइस कि शासन के महत्वाकांक्षी गोधन न्याय योजना के तहत मात्र दू साल म ही गोबर बेचके एक लाख 30 हजार रुपए के अकतहा आमदनी कमाए हे। वो ह ये पइसा के सदुपयोग करत अपन बर मोटर साइकल घलोक खरीदे हे। ये बात म मुख्यमंत्री श्री बघेल ह खुशी जाहिर करत मजाकिया अंदाज म पूछिन कि अऊ अपन पत्नी बर का बिसाए हस? त नारायण यादव ह बताइस कि अपन लइका मन ल पढ़ावत-लिखावत हन इही म खरचा करे हंन। मुख्यमंत्री ह सराहना करत ओ ल आगू घलोक अइसनहे मन लगाके काम करे अऊ शासन के जनकल्याणकारी योजना मन के लाभ उठाए बर कहिन।
सोहागपुर के नारायण यादव ह गोबर बेचके कमाइस 1.30 लाख रुपिया, अपन बर बिसाईस फटफटी
