– आनंद सोलंकी-घनश्याम केशरवानी
रायपुर, ग्लोबल वार्मिंग के चुनौती मन ले निपटे बर छत्तीसगढ़ म घलोक नवा-नवा उदीम करे जात हे। राज्य सरकार कोति ले ग्रीन एनर्जी के उपयोग ल बढ़ावा देहे जात हे। नवा उद्योग नीति म घलोक सौर ऊर्जा ले विद्युत उत्पादन ले जुड़े इकाई मन के स्थापना ल प्राथमिकता के श्रेणी म रखे गए हे। राज्य के सुदूर वनांचल क्षेत्र मन म रहइया किसान मन के आर्थिक स्थिति अऊ गांव वाले मन के जीवन स्तर म सुधार बर सौर ऊर्जा बनेच मददगार साबित होवत हे। राज्य म अइसन कई जगा हे जिहां परम्परागत तरीका ले विद्युत के व्यवस्था नइ हो सके हे, वो कोति के किसान मन ल सिंचाई सुविधा उपलब्ध कराए म सोलर पम्प गेम चेंजर साबित होवत हे। मुख्यमंत्री श्री भूपेश बघेल के नेतृत्व म प्रदेश के वनांचल क्षेत्र मन म गांव वाले मन ल सिंचाई सुविधा, पेयजल व्यवस्था, ग्राम अऊ मजरा-टोला मन के विद्युतीकरण म सोलर एनर्जी के उपयोग तेजी ले बाढ़े हे। पाछू तीन बछर म सोलर इनर्जी के उपयोग करके सोलर पम्प के संग 70 हजार 800 हेक्टेयर अकतहा जमीन म सिंचाई सुविधा उपलब्ध कराए गए हे, उहें 2 लाख 81 हजार 798 ले जादा परिवार ल पेयजल के आपूर्ति करे जात हे अऊ दूरस्थ पहुंचविहीन अविद्युतीकृत गांव मन अऊ मजरा-टोला के 80 हजार 917 घर मन के सौर विद्युतीकरण करे गए हे।
क्रेडा ह राज्य म पाछू तीन बछर म प्रदेश म 59 हजार सोलर कृषि पम्प के स्थापना करे गए हे। सोलर सिंचाई पम्प ले करीबन 70,800 हेक्टयेर रकबा सिंचित होय हे। ए मन ल मिलाके प्रदेश म अब तक पाछू 5 बछर म 3 अऊ 5 हार्स पॉवर के 96 हजार सोलर सिंचाई पम्प के स्थापना करे गए हे, जेखर से करीबन एक लाख 15 हजार 200 हेक्टेयर जमीन सिंचित होए हे। लघु अऊ सीमांत किसान मन ल सिंचाई सुविधा उपलब्ध कराए बर सौर सिंचाई सामुदायिक परियोजना सतही जल स्रोत के निकट बनाए जात हे। पाछू तीन बछर म 31 सौर सामुदायिक सिंचाई परियोजना मन के स्थापना करे गए, जेखर माध्यम ले करीबन 977 किसान मन के 1250.49 हेक्टेयर जमीन म सिचाई सुविधा के लाभ मिलत हे। ए परियोजना मन म 88 सोलर सिंचाई पम्प के स्थापना करे गए हे। ए मन ल मिलाके प्रदेश म अब तक 222 सौर सामुदायिक सिंचाई परियोजना म 306 सोलर सिंचाई पम्प स्थापित करे गए हे, जेखर माध्यम ले 2166 किसान मन के 2414 हेक्टेयर जमीन म सिंचाई होवत हे।
पपाछू तीन बछर म सिंचाई सुविधा के विस्तार बर नदी नाला मन के तीर स्थित खेत मन ल सिंचित करे बर 88 वृहद सोलर पम्प स्थापित करे गए हे। जेकर माध्यम ले 1250.49 हेक्टेयर सामुदायिक कृषि रकबा सिंचित होवत हे। एखर अलावा सुराजी गांव योजना नरवा, गरवा, घुरवा, बाड़ी के तहत 3083 गौठान मन म सोलर पम्प स्थापित करके पशु मन बर पेयजल अऊ चारागाहा मन म सिंचाई सुविधा के व्यवस्था करे गए हे। गौठान मन म 2489 अऊ चारागाहा मन म 594 सोलर पम्प के स्थापना अब तक करे गए हे। सोलर पेयजल योजना के अंतर्गत तीीन बछर म म पहुंच विहीन गांव मन म 4187 सोलर ड्यूल पम्प स्थापित करके 2 लाख ले जादा परिवार ल 24 घंटा शुद्ध पेयजल उपलब्ध कराए जात हे। एखर अलावा जल जीवन मिशन के अंतर्गत 2100 ड्यूल पम्प स्थापित करके ग्रामीण अंचल के घर मन म नल कनेक्शन के माध्यम ले शुद्ध पेयजल के आपूर्ति के व्यवस्था करे गए हे। ये योजना म 12 मीटर अऊ 9 मीटर ऊंचाई म 10 लीटर क्षमता के पानी टंकी स्थापित करके घर मन म पेयजल के आपूर्ति करे जात हे। ये योजना के अंतर्गत 81,798 परिवार लाभान्वित होवत हे।
पाछू तीन बछर म 1350 गांव मन अऊ कस्बा मन के चौक-चौराहा मन, हाट बाजार मन म 1415 सोलर हाईमास्ट लाईट स्थापित करे गए हे। अइसनहे दूरस्थ पहुंच विहीन क्षेत्र मन म जिहां बिजली के तार खींचके बिजली नइ पहुंचाए जा सकय, उहां के गांव अऊ मजरा टोला मन के 80 हजार 917 घर मन म सोलर लाईट के माध्यम ले प्रकाश के व्यस्था करे गए हे। ए मन ल मिलाके सोलर संयंत्र मन के माध्यम ले 941 गांव मन के एक लाख 38 हजार ले जादा घर मन के सोलर विद्युतीकरण करे जा चुके हे। राज्य के 458 स्वास्थ्य केन्द्र मन म प्रकाश के व्यवस्था बर 2.56 मेगावाट के ऑफ ग्रिड सोलर पॉवर प्लांट के स्थापना करे गए हे। राज्य म अब तक कुल 1388 शासकीय स्वास्थ्य केन्द्र अस्पताल मन म सोलर लाईट ले बिजली पहुंचाए गए हे, जेखर से उहां प्रकाश के व्यवस्था के मुताबिक जीवन रक्षक मशीन अऊ वैक्सिन ल सुरक्षित रखे बर फ्रीजर बर विद्युत प्रदाय करे गए हे, ये उपलब्धि बर क्रेडा ल अंतर्राष्ट्रीय अवार्ड ले सम्मानित करे गए हे।
छत्तीसगढ़ के सुदूर अंचल मन म सोलर पम्प के साथ जिहां किसान मन ल सिंचाई सुविधा मिलत हे, उहें गांव वाले मन ल पेयजल सुविधा घलोक उपलब्ध होवत हे। ए क्षेत्र मन म किसान अब दुहरी फसल लेवत हें, एखर से उंखर आमदनी म काफी इजाफा होवत हे। राज्य सरकार के अक्षय ऊर्जा एजेंसी कोति ले किसान मन ल सोलर सिंचाई पम्प रियायती दर म उपलब्ध कराए जात हे।
अनुवाद: गुरतुर गोठ डॉट कॉम
