जशपुरनगर म पहाड़ी कोरवा के घर म सोलर होम लाईट ले होईस अंजोर

6 मंजरा टोला के 168 हितग्राही मन ल सोलर पावर प्लांट
सोनक्यारी के बलराम, सीमा बाई, अजित राम, अर्जुन के घर मन जगमगाईस
कलेक्टर ह किसान मन ल रबी के खेती म दलहन, तिलहन लगाय बर घलोक प्रोत्साहित करिन
2679 होमलाईट संयत्र स्थापित, 2847 घर मन ल सोलर लाईट दे गीस

जशपुरनगर, 11 जुलाई 2020। कलेक्टर श्री महादेव कावरे के बताए रद्दा म चलत क्रेडा ह सौर सुजला योजना ल लागू करे हे जे ह दुरस्थ अंचल के किसान मन बर उपयोगी साबित होवत हे। जशपुर जिला के वनांचल क्षेत्र म अधिकतर आदिवासी किसान निवास करथें। जंगल के भीतर गांव होए के सेती वोती बिजली के समस्या रहिथे। इही समस्या मन ल देखत उर्जा विभाग कोति ले किसान मन ल ऊंखर खेत मन म सोलर सिंचाई पंप ऊंखर खेत मन म लगा देहे गए हे ताकि ओ मन ल खेती बाड़ी के सिचाई के काम म आसानी हो सकय अऊ ओ मन साग-सब्जी उत्पादन करके बने आमदनी कमा सकयं। जिला जशपुर म अविद्युतिकरण क्षेत्र मन म कई गांव, मरजा-टोला मन ल होम लाईट अउ सोलर पावर प्लांट ले विद्युतिकरण करे गए हे। अइसन कई हितग्राही हें जेमन पहली पइत होम लाईट ल देखे हें। मनोरा विकासखंड के ग्राम सोनक्यारी के बलराम, सीमा बाई, अजित राम, अर्जुन के घर मन ल रौशन करे गए हे।