सूरज के अंजोर ले जगमगाइस प्रेम के घर

छत म लगिस 03 किलोवाट सोलर पैनल ले होवत हे बिजली के बचत
मुंगेली, छत्तीसगढ़ म प्रधानमंत्री सूर्यघर मुफ्त बिजली योजना ले आम नागरिक मन के घर मन ल सुरुज के किरन ले अंजोर मिलत हे। ए योजना के तहत लगाए गे सोलर पैनल के माध्यम ले नागरिक मन के घर रोशन होवत हे। मुंगेली जिला के लोरमी नगर के रहवइया श्री प्रेम कुमार मिश्रा ह घलोक ए योजना के लाभ उठात अपन घर के छत म 03 किलोवाट क्षमता वाला रूफटॉप सोलर पैनल संयंत्र लगवाए हे।
प्रेम कुमार मिश्रा ह बताइस के प्रधानमंत्री सूर्यघर मुफत बिजली योजना के लाभ लेहे खातिर राष्ट्रीय पोर्टल म आवेदन करे रहिस, जेन ल स्वीकृति मिले के पाठू अग्रसेन वार्ड नंबर 08, लोरमी स्थित वोखर मकान के छत म सोलर पैनल स्थापित करे गीस। वो ह कहिस के प्रधानमंत्री सूर्यघर योजना आम नागरिक मन ल ऊर्जा आत्मनिर्भर बने के अवसर देव हे। उमन प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के आभार व्यक्त करत कहिस के “ये योजना हमार जइसे मध्यमवर्गीय परिवार मन खातिर बड़ राहत लेके आए हे। सूरज के अंजोर ले घर जगमागा अब सपना न ही, हकीकत बन गए हे।”
जानबा हे के ये योजना केंद्र सरकार के ग्रीन एनर्जी पहल के महत्वपूर्ण हिस्सा हे, जेखर तहत नागरिक मन ल सौर ऊर्जा अपनाए म आकर्षक सब्सिडी देहे जाथे। एखर से बिजली बिल म कमी आथे, संगेच स्वच्छ अऊ नवीकरणीय ऊर्जा के उपयोग ल घलोक प्रोत्साहन मिलत हे। योजना के तहत उपभोक्ता मन ल रूफटॉप सोलर सिसटम लगाय म केन्द्र अऊ राज्य शासन कोति ले 30 हजार रूपिया ले 78 हजार रूपिया तक के सब्सिडी देहे जात हे। 01 किलोवाट के रूफटॉप लगवाए म 45 हजार रूपिया, 02 किलोवाट म 90 हजार रूपिया अऊ 03 किलोवाट के रूफटॉप लगवाए म 01 लाख 08 हजार रूपिया के सब्सिडी देहे जात हे। आमजन ल योजना खातिर प्रोत्साहित करे खातिर शासन के हुकुम के मुताबिक बैंक मन ले कम ब्याज दर म आसान किश्त म करजा के सुविधा देहे जात हे। एखर से योजना के लाभ लेहे बर उपभोक्ता मन म खासा उत्साह देखे ल मिलत हे।