सौर सुजला योजना ले खेत मन म सरलग अपासी, किसान मन के बाढि़स आमदनी

सरगुजा, छत्तीसगढ़ अपन स्थापना के 25 साल पूरा करके रजत महोत्सव मनावत हे। ए 25 बछर म राज्य ह कृषि क्षेत्र म घलोक उल्लेखनीय प्रगति करे हे। किसान मन के खुशहाली अऊ ओ मन ल स्थायी सिंचाई सुविधा उपलब्ध कराए म सौर सुजला योजना बड़ भूमिका निभावत हे।
सरगुजा जिला के उदयपुर विकासखंड के ग्राम पंचायत साल्ही के किसान श्री अमृत सिंह ए योजना ले लाभान्वित होके अपन खेती ल नवा ऊंचाइ तक पहुँचावत हे। वो ह बताइस के पहिली सिंचाई बर बिजली के समस्या के सामना करना परत रहिस, जेखर से खेती के संग पैदावार म असर परत रहिस। फेर सौर सुजला योजना ले अब खेत मन के सिंचाई निर्बाध रूप ले होवत हे।
अमृत सिंह ह बताइस के अब ओ सालभर खेती कर पात हे। धान के फसल के संगे-संग साग-भाजी के खेती करे ले वोखर आमदनी म बढ़ोतरी होए हे। सरलग उपलब्ध पानी ले खेती आसान हो गए अऊ फसल उत्पादन घलोक दोगुना हो गए हे। जेखर से आमदनी घलोक बाढ़े हे।
वो ह मुख्यमंत्री श्री विष्णु देव साय अऊ प्रधानमंत्री श्री नरेन्द्र मोदी के आभार व्यक्त करत कहिस के सौर सुजला योजना किसान मन बर कोनो वरदान ले कम नइ हे। ए योजना ले ओ ल आत्मनिर्भर बने म मदद मिले हे अऊ कृषि काम म खर्च घलोक घटे हे। शासन के ये योजना प्रदेश के हजारों किसान मन ल सिंचाई सुविधा उपलब्ध करावत हे, जेखर से ओ मन अब निर्बाध रूप ले खेती करके अपन आर्थिक स्थिति मजबूत बनावत हें।