सोलर पंप लगे ले किसान मन ल खेती करे म होवत हे आसानी

उत्तर बस्तर कांकेर, छत्तीसगढ़ शासन कोति ले किसान मन के हित म चलाए जात सौर सुजला योजना ले ग्रामीण अंचल म रहवईया मनखे मन के जीवन म बदलाव आवत हे। पहुंच विहीन अउ अविद्युतीकृत क्षेत्र मन म सौर सुजला योजना के माध्यम ले सिंचाई के सुविधा उपलब्‍ध कराए जात हे, जेखर से किसान मन के खेत लहराए लगे हे अऊ किसान मन ल सिंचाई बर सहोलियत होवत हे।
पहिली बिजली के अभाव म कई किसान मन डीजल पंप के उपयोग करके खेत मन म सिंचाई करत रहिन, फेर डीजल के दाम बाढ़े के सेती छोटे किसान मन ल तकलीप होवतरहिस हे, जेखर से निरास होके किसान मन धान के उत्पादन भगवान भरोसे करत रहिन। अब सौर सुजला योजना ले सिंचाई सुविधा मिले ले किसान मन के ल लाभ मित हे, सोलर पंप लगे ले बंजर खेत मन म किसान मड़िया, सरसो, उड़द जइसे दलहन, तिलहन फसल के उत्पादन करत हें, जेखर से किसान मन के आय म बढ़ोत्तरी होए हे।