सोमारु ल मिलीस बैटरी चलित ट्राईसाइकिल, मुख्यमंत्री के गिफ़्ट ले चेहरा म आईस रौनक

दंतेवाड़ा, जिला के कटेकल्याण विकासखंड म आयोजित भेंट मुलाकात कार्यक्रम म मुख्यमंत्री श्री भूपेश बघेल ह डुमामपारा ग्राम तुमकपाल के निवासी सोमारू राम नेगी ल बैटरी चलित ट्राइसाइकिल भेंट करिन। मुख्यमंत्री के ये गिफ़्ट ले सोमारू के चेहरा के रौनक बढ़ गीस। अब ओला दिनचर्या के काम मन बर संघर्ष नइ करना होही। 60 बछर के सियान सोमारू ह बताइस के साल 2011 म सड़क हादसा म वोखर जेवनी पांव म गंभीर चोट आए रहिस। जेखर बाद ओखर चलना फिरना पूरा बंद हो गे। पहिली बैसाखी के सहारे थोक बहुत चहल-कदमी वो करत रहिस, फेर ढलती उमर के संग वोखर शरीर ह जवाब देना शुरू कर दीस। ए परिस्थिति मन ओ मन ल घर के चार-दिवारी तक ही सीमित रहे ल मजबूर होगे, जबकि एखर उलटा सोमारू बाहिर घूमे फिरे के शौकीन रहिस।
आज मुख्यमंत्री श्री बघेल ह जब ट्राइसाइकिल प्रदान करिस त सोमारू के आंखीं म चमक अऊ चेहरा म मुस्कान रहिस। मानो वोला एक नवा जीवन मिल गए हो। वो ह बताइस के अब ओ ट्राइसाइकिल के मदद ले घर के काम मन म हाथ बटा पाही। दुकान ले किराना सामान, बाजार ले सब्जी लाना आदि काम अब ओ बिना कोनो परेशानी के सुविधापूर्ण रूप ले कर पाही। अब वो सुविधा पूर्ण रूप ले अपन गांव म होवइया कार्यक्रम मन म घलोक सम्मिलित हो पाय म सक्षम हो जाही, जेमे ओ पहिली नइ जा पात रहिस। सोमारु के परिवार म वोखर धर्मपत्नी, एक बेटी अऊ एक बेटा हे। सोमारु ह मुख्यमंत्री श्री भूपेश बघेल ल सहृदय धन्यवाद देहे हे।