अपन के विकास के संग समाज म भागीदारी ही असली सफलता: श्री सोनमणि बोरा

प्रमुख सचिव श्री बोरा ह सड्डू स्थित प्रयास विद्यालय अऊ निर्माणाधीन एकलव्य आवासीय भवन के करिन निरीक्षण
आदिम जाति वर्ग के लइका मन बर फाइव स्टार होटल के जइसे सुविधा विकसित करे के निर्देश
नवोदय विद्यालय के तर्ज म प्रयास विद्यालय म करे जाय सुधार
22 करोड़ रूपिया के लागत ले 750 सीटर तीन मंजिला भवन के होही निर्माण
समय-सीमा म गुणवत्त्ता पूर्ण काम करे के निर्देश
रायपुर, 17 मई 2024। आदिम जाति, अनुसूचित जाति अउ आन पिछड़ा वर्ग अउ अल्पसंख्यक विकास विभाग के प्रमुख सचिव श्री सोनमणि बोरा ह काली बिहनिया सड्डू स्थित प्रयास आवासीय विद्यालय के निरीक्षण करिन। उमन विद्यालय म जेईई, आईआईटी संग प्रतियोगी परीक्‍छा के तैयारी करत छात्र मन ले रूबरू होइन। श्री बोरा ह कहिन कि हमार इहां इतिहास हे कि एकलव्य बिना गुरू के घलोक लक्ष्य ल प्राप्त कर लेथे। हमला इहां शिक्षा ल प्राथमिकता म रखके लक्ष्य तक पहुंचना हे। उमन कहिन कि तरक्की तो कोनो कर लेथे, फेर खुद के विकास करना ही सफलता नइ होवय। अपन के विकास के संग समाज म भागीदारी ही सही सफलता ये। उमन कहिन कि माता-पिता ह जऊन उद्देश्य ले आप मन ल इहां भेजे हे, ऊंखर सपना ल पूरा करना हे। संगेच अइसन समाज जेन हमार पीछू छूट गे हे, उनला घलोक आगू बढ़ाए के सोच रखना होही।