विश्व पर्यावरण दिवस : प्रमुख सचिव श्री सोनमणि बोरा ह टीआरटीआई परिसर म करिन पौधारोपण

मनखे मन ल पौधारोपण करे के करिन अपील
रायपुर, आदिम जाति, अनुसूचित जाति अउ आन पिछड़ा वर्ग अउ अल्पसंख्यक विकास विभाग के प्रमुख सचिव श्री सोनमणि बोरा ह आज विश्व पर्यावरण दिवस के अवसर म नवा रायपुर स्थित आदिम जाति अनुसंधान अउ प्रशिक्षण संस्थान परिसर म पौधारोपण करिन। उमन ए मौका म मनखे मन ल पौधारोपण करे के अपील करिन। उमन कहिन के पेड़-पौधा पर्यावरण ल संतुलित बनाए रखे म अहम भूमिका निभाथे। एखर से जैव विविधता बनाए रखे म सहयोग मिलथे। उहें ये ह जल संरक्षण बर काफी उपयोगी होथे। जेखर सेती हम सब ल प्राकृतिक सौंदर्य अऊ जैव विविधता ल बनाए रखे बर पौधारोपण जरूर करना चाही। ए बेरा म आदिम जाति अनुसंधान अउ प्रशिक्षण संस्थान के प्रभारी संचालक श्रीमती गायत्री नेताम, अनुसंधान अधिकारी श्री मोहन साहू, श्री योगेन्द्र निषाद संग विभाग के आन अधिकारी-कर्मचारी उपस्थित रहिन।