अम्बिकापुर, स्वास्थ्य मंत्री श्री टी.एस. सिंहदेव के विशेष पहल ले जिला के मैनपाट विकासखंड के सुदूर अंचल म स्थित प्राथमिक स्वास्थ्य केंद्र वंदना म 40 गर्भवती महिला मन ल निःशुल्क सोनोग्राफी सुविधा उपलब्ध कराए गीस। सुदूर अंचल म सोनोग्राफी के निःशुल्क सुविधा अब ए क्षेत्र मन के गर्भवती महिला मन बर वरदान बन गए हे। ये स्वास्थ्य केंद्र म डॉ संयोगिता पैकरा ह अपन सेवा प्रदान करत हे।
जानबा हे कि मातृत्व मृत्यु दर अउ शिशु मृत्यु दर म कमी लाय के उद्देश्य ले निःशुल्क सोनोग्राफी सुविधा स्वास्थ्य मंत्री श्री टी.एस. सिंहदेव के पहल म जम्मो विकासखंड म महिना म एक पईत कैंप लगा के आयोजित करे जात हे। अब तक करीबन 750 ले जादा सोनोग्राफी निःशुल्क हो गए हे अउ सरलग स्वास्थ्य विभाग ह जम्मो विकासखंड म कैंप के आयोजन बर कार्य योजना बनावत हे। सोनोग्राफी जांच के बाद अब तक करीबन 21 जादा जोखिम गर्भवति मन के पहिचान होए हे जिंकर उचित उपचार बर स्वास्थ्य विभाग म विशेष निगरानी दल बनाए गए हे। अवईया सत्र म उदयपुर सामुदायिक स्वास्थ्य केंद्र अउ सीतापुर सामुदायिक स्वास्थ्य केंद्र म नवा निःशुल्क सोनोग्राफी सेंटर खोले उपर काम करे जाही।
अम्बिकापुर : सुदूर अंचल मन म निःशुल्क सोनोग्राफी सुविधा बनिस गर्भवती महिला मन बर वरदान
