CHHATTISGARHI NEWS: अम्बिकापुर gurturgoth, जिला के ग्राम बकिरमा के रहइया किसान अनूप तिग्गा बर सौर सुजला योजना जिनगी म नवा बदलाव लात बड़का पंदोली मिले हावय। किसान हितैसी ए योजना के तहत खेत म सोलर पंप लगे ले अनूप तिग्गा के सिंचाई के समस्या दूर होगे हावय। पहिली सिंचाई के साधन नइ होए के सेती खेती म भारी कठिनाई होत रहिस, फेर अब खेत म पानी की उपलब्धता सुनिश्चित होए ले ओ हर सीजन म खेती करत हे। वर्तमान म ओ ह खरीफ सीजन म धान अउ मक्का के संगे-संग दूसर मौसम म मटर, टमाटर संग कई प्रकार के फसल मन के खेती करत हे। सिंचाई के सुविधा मिले के सेती अब ओखर खेत सालभर अलग-अलग फसल मन से आबाद रहिथे, अउ फसल विविधीकरण ला भी बढ़ावा मिले हावय। अनूप तिग्गा बताथे के सोलर पंप मिले ले ओखर खेती बहुत आसान होगे हावय अउ ओ सालभर कुछ न कुछ फसल ले पावत हे, जेकर से ओखर आजीविका मजबूत होगे हावय। सिंचाई के ए साधन बर अनूप तिग्गा प्रधानमंत्री नरेंद्र मोदी अउ मुख्यमंत्री विष्णु देव साय के प्रति आभार व्यक्त करे हे अउ कहे हे के ए योजना ग्रामीण किसान मन बर बहुत उपयोगी साबित होत हावय।
सरगुजा के अनूप तिग्गा की खेती ला मिलिस सौर सुजला योजना के पंदोली, सोलर पंप से सिंचाई आसान होए ले सालभर लहलहावत हे फसल
