कार्य म लापरवाही के सेती एसपी ह करिन टीआई ल लाइन अटैच

जगदलपुर, 3 दिसंबर 2020। लोहंडीगुड़ा थाना के टीआई चंद्रशेखर श्रीवास ल एसपी दीपक झा ह लाइन अटैच कर देहे हे। बताए जावत हे कि टीआई के खिलाफ सरलग शिकायत आवत रहिस, जेखर बाद ए कार्यवाही करे गिस हे। बस्तर एसपी दीपक झा ह बतइस कि लोहंडीगुड़ा क्षेत्र म अवैध गतिविधि मन के संबंध म जानकारी प्राप्त होवत रहिस। लिखित शिकायत घलो मिले रहिस। एला लेके थाना प्रभारी ल सूचित करे गए रहिस। ओखर बाद घलो उहां उचित कार्यवाही नई होवत रहिस। अन्य स्रोत मन ले उहां जुआ के मामला म कार्यवाही करे गिस। एमा आठ आरोपी गिरफ्तार होए रहिस अऊ उंखर मन ले 28 हजार बरामद होए रहिस। टीआई द्वारा कार्य म लापरवाही पाये जाए के सेती तत्काल प्रभाव ले ओला लाइन अटैच करे गए हे। अन्य थाना प्रभारी ल उहाँ के जिम्मेदारी सौंपे गए हे।