कमार बहिनी मन के ज़िंदगी म बिहान ले जुड़के आईस खुशहाली

छै महीना म बाड़ी व्यवसाय ले महिला मन ह कमईन 25 हजार आमदनी
बलौदाबाजार-भाटापारा, जिला म पीएम जनमन ग्राम बल्दाकछार के विशेष पिछडी जनजाति कमार महिला मन ह बिहान समूह ले जुड़के अपन आजीविका ल नवा दिशा देहे हें। बिहान योजना के अंतर्गत गठित महिला स्व-सहायता समूह के 9 दीदी मन ह सामूहिक रूप ले बाड़ी अऊ नर्सरी व्यवसाय के शुरुआत करके अपन जीवन म आत्मनिर्भरता अऊ खुशहाली के नवा अध्याय लिखे हें।
अपरेल महिना ले सुरू ए काम ले महज छै महीना के भीतर ही समूह ह साग-भाजी के बिक्री ले लगभग 25 ले 30 हज़ार रूपिया तक के आमदनी अर्जित करे हे। ये सफलता उंखर मेहनत अऊ लगन के परिणाम हे संगेच ये बात घलो हे के महिला मन संगठित होके अपन आर्थिक भविष्य ल मज़बूत करत हें। समूह के दीदी मन ह बताइन के बिहान योजना ले जुड़े के बाद ओ मन ल अपन क्षमता म भरोसा होइस अऊ आज ओ मन अपन परिवार के ज़िम्मेदारी मन उपर आर्थिक योगदान देवत हें।
ओ मन कहत हें— “प्रधानमंत्री श्री नरेंद्र मोदी जी अऊ मुख्यमंत्री श्री विष्णु देव साय जी कोति ले चलाए जात बिहान योजना ह हमार जीवन ल बदले के अवसर देहे हे। ये योजना हमार बर आत्मनिर्भरता के साधन हे अउ महिला सशक्तिकरण के मजबूत माध्यम हे। एखर बर हम ओखर हृदय ले आभार व्यक्त करत हन।” आज बल्दाकछार के कमार दीदि मन अपन मेहनत अऊ सफलता ले अपन गांव म अउ आसपास के महिला मन बर घलोक प्रेरणा के स्रोत बन गे हें।