विशेष पिछड़ा जनजाति पंडो बहुल चरचरी-लखारपारा पहुंचिन कलेक्टर, समुदाय के मनखे मन ले आत्मीयता ले करिन मुलाकात

बलरामपुर, विशेष पिछड़ी पहाड़ी कोरवा अऊ पण्डो जनजातीय समुदाय ल मुख्यधारा ले जोड़े, जीवन शैली अऊ व्यवहार म बदलाव, स्वच्छता अउ स्वास्थ्य अऊ मुलभूत जरूरत मन ल पूरा करे के उद्देश्य ले प्रशासन वृहद कार्ययोजना बनाके काम करत हे। कलेक्टर श्री इंद्रजीत सिंह चंद्रवाल ह स्वास्थ्य शिविर मन के निरीक्षण करे अऊ सुदूर वनांचल म रहइया पिछड़ी जनजाति परिवार मन ले मिले बर विकासखण्ड वाड्रफनगर के चरचरी अउ लखारपारा पहुंचिन। उमन समुदाय के सदस्य मन ले बड़ आत्मीयता ले मुलाकात करके उंखर बात ल सुनिन अऊ मूलभूत जरूरत मन ल पूरा करे के दिशा म काम करे के बात कहिन। लखारपारा म आयोजित स्वास्थ्य शिविर के बारे म उमन अधिकारी मन ले जानकारी लीन अऊ मनखे मन ल वैक्सीनेशन के प्रति जागरूक करिन। विकासखण्ड वाड्रफनगर के लखारपारा म आयोजित स्वास्थ्य शिविर म कुल 35 मनखे मन के स्वास्थ्य के जांच करे गीस, जेमां बुखार खांसी के 12, स्केबीज के 12, कमर दर्द के 07 व आन बीमारी मन के 06 मरीज सामिल रहिन। मरीज मन ल चिकित्सक मन ह जांच करके निःशुल्क दवई घलोक दीन।