पीएम आवास योजना ले भितघरा के सूरज के सपना होवत हे पूरा

पहले हमर खपरा कर घर रहिस, अब पक्का घर बनथे, सूतेक-बैठेक में नी होय दिक्कत-सूरज

जशपुरनगर, 30 अगस्त 2024/ मुख्यमंत्री श्री विष्णु देव साय विशेष पिछड़ी जनजाति पहाड़ी कोरवा जनजाति मन ल आगू बढ़ाए बर सार्थक प्रयास करत हे। सबो के अपन एक पक्का मकान के सपना होथे अऊ सपना पूरा होत देख के अबड़बड़ खुशी मिलथे। भारत सरकार कोति ले संचालित प्रधानमंत्री आवास योजना अउ प्रधानमंत्री जनमन आवास के जरिये मनखे मन के सपना साकार करे जात हे। अइसनहेच एक कहानी जशपुर जिला के जनपद पंचायत बगीचा के ग्राम पंचायत भितघरा के हे। जिहां राष्ट्रपति के दत्तक पुत्र विशेष पिछड़ी जनजाति पहाड़ी कोरवा सूरज राम के पक्का मकान के सपना पूरा होवइया हे।
भितघरा निवासी सूरज राम ह बताइस के पहिली हमर खपरा कर घर रहिस अऊ सूतेक, बैठेक म दिक्कत घलोक रहिस। वो ह सरगुजिहा म बताइस के बगीचा विकासखण्ड के ग्राम भितघरा के रहइया ये। छै महिना पहिली प्रधानमंत्री आवास योजना के सूची म मोर नाम आइस अऊ अभी तक 03 किश्त के राशि मिल गे हे। सूरज के पक्का मकान बनत हे। सूरज ह पक्का मकान के सपना पूरा करे खातिर मुख्यमंत्री श्री विष्णुदेव साय ल धन्यवाद देहे हे।