विशेष पिछड़ी जनजाति मन बर लगाए गीस विशेष शिविर

पीएम जनमन योजना ले 1 हजार 472 मनखे मन ल लाभ मिलीस

महासमुंद, 10 जनवरी 2024। विशेष पिछड़ी जनजाति परिवार ल भारत सरकार के कई ठन योजना मन के लाभ देहे बर सरलग शिविर लगाए जात हे। योजना के तहत जनजाति कार्य मंत्रालय कोति ले प्रधानमंत्री जनजाति आदिवासी न्याय महाभियान (पीएम जनमन) योजना ले विशेष पिछड़ी जनजाति परिवार ल योजना के लाभ देहे जात हे। गांव के बस्ती तक अधिकारी मन के अमला पहुंचके उंखर समस्या मन के समाधान करे जात हे। भारत सरकार के करीबन 22 योजना मन के लाभ सबो मनखे मन तक पहुंचाना हे। एमां आम नागरिक ल पक्का घर, हर घर म नल, घर तक बिजली, शिक्षा, कौशल विकास, स्वास्थ्य, आजीविका संग आन महत्वाकांक्षी योजना सामिल हे।

पीएम जनमन योजना ले 1 हजार 472 मनखे मन ल लाभ मिलीस
महासमुंद जिला के तीन विकासखण्ड महासमुंद, बागबाहरा अऊ पिथौरा म कमार जनजाति के मनखे निवास करथे। एमां महासमुंद के 41 गांव म 461 परिवार जिंकर कुल जनसंख्या 1687 हे। अइसनहे बागबाहरा विकासखंड के 32 गांव मन म 390 परिवार निवास करथे, जिंकर संख्या 1385 हे। पिथौरा विकासखंड के दू ग्राम पंचायत मन म 44 परिवार 168 सदस्य मन के संग निवासरत हें। योजना के प्रचार-प्रसार बर 275 पारा-टोला म हिन्दी संग छत्तीसगढ़ी बोली म दीवार लेखन के माध्यम ले मनखे मन ल जागरूक करे जात हे।
जिला प्रशासन कोति ले चिन्हारी करे गए सबो विशेष पिछड़ी जनजाति समूह मन के मनखे मन ल लाभ देवाए बर अभी तक 26 शिविर लगाए गए हे। विशेष पिछड़ी जनजाति के 2682 हितग्राही सामिल होइन। 26 शिविर मन म 301 मनखे मन के आधार कार्ड, 602 मनखे मन के आयुष्मान कार्ड बनाए गीस। प्रधानमंत्री किसान सम्मान निधि योजना के तहत 72 किसान मन के पंजीयन, 15 किसान मन ल किसान क्रेडिट कार्ड जारी अऊ प्रधानमंत्री जनधन योजना के अंतर्गत 168 मनखे मन के नवा खाता खोले गीस। उहें पीएम मातृ वंदना योजना के अंतर्गत 10 महिला मन के पंजीयन अऊ 304 कमार परिवार म राशन कार्ड वितरित करे गीस।