- अपन जिला पहुॅचत चेहरा म आइस नवा मुस्कान
- थर्मल स्केनिंग के बाद बालक छात्रावास जरहागांव म क्वारेंटाइन
मुंगेली 11 मई 2020// मुख्यमंत्री श्री भूपेश बघेल के मंशा के अनुरूप गुजरात के राजधानी गांधी नगर (अहमदाबाद) ले आज छत्तीसगढ़ के श्रमिक मन ल लेके पहली श्रमिक स्पेशल ट्रेन बिलासपुर पहुॅचीस। पहली श्रमिक स्पेशल ट्रेन म मुंगेली जिला के 33 श्रमिक घलो रहिंन। कलेक्टर डाॅ. सर्वेश्वर नरेंद्र भुरे ह श्रमिक मनखे ल बिलासपुर ले मुंगेली जिला लाय बर बस के व्यवस्था के साथ-साथ स्वास्थ्य ,पुलिस अउ आन विभाग के अधिकारि के सयुंक्त टीम के ड्यूटी लगाय गे रहिस हे। स्वास्थ्य विभाग के टीम द्वारा श्रमिक मन के बिलासपुर रेल्वे स्टेशन मे थर्मल स्केनिंग करे गिस। एखर बाद येन श्रमिक ल डिप्टी कलेक्टर द्वय श्रीमति अनुराधा अग्रवाल अउ श्री नवीन भगत के मार्गदर्शन मे मुंगेली जिला लाय गिस। लाॅकडाउन म फसे श्रमिक के अपन माटी मुंगेली पहुंचे ले ऊंखर मुह म एक नवा चमक आ गे । ओमनला विकास खण्ड मुंगेली के ग्राम जरहागांव के बालक छात्रावास मे स्थापित क्वारेंटाइन सेंटर म 14 दिन के क्वारेंटाइन म रखे गिस । कलेक्टर डाॅ. भुरे ह संबंधित अधिकारि ल सुरक्षा मानक के पालन करत क्वारेंटाइन श्रमिक के खाना, पानी के समुचित व्यवस्था के साथ-साथ क्वारेंटाइन सेंटर में सोशल डिस्टेसिंग अउ शारीरिक स्वच्छता बर हेंडवास सेनेटाइजर आदि के व्यवस्था सुनिश्चित करे के निर्देश दिये हावयं।
मुंगेली ले दिलीप बसंत
