- आयुष ह आज सियान मन बर आयोजित विशेष ओपीडी म 9078 मनखे मन के करिस इलाज
- आयुष ह हरेक बिरसपत के दिन सियान मन बर विशेष ओपीडी के आयोजन करथे, जिहां सियान मन के जम्मो जांच अउ उपचार निःशुल्क होथे
रायपुर, छत्तीसगढ़ म आयुष (आयुर्वेद, योग अउ प्राकृतिक चिकित्सा, यूनानी सिद्ध अउ होम्योपैथी) ह हरेक बिरसपत के दिन लगईया विशेष ओपीडी म आज प्रदेश भर म 9078 सियान मन के निःशुल्क इलाज करिस। राज्य के सबो शासकीय होम्योपैथी औषधालय, यूनानी औषधालय, जिला आयुर्वेद चिकित्सालय, आयुष पॉलीक्लीनिक, आयुष विंग, स्पेशलाइज्ड थैरेपी सेंटर, स्पेशियलिटी क्लीनिक अऊ सामुदायिक व प्राथमिक स्वास्थ्य केन्द्र मन म संचालित सह-स्थापित आयुष केन्द्र अऊ महाविद्यालय चिकित्सालय मन म विशेष ओपीडी के संचालन करे गीस। ये बेरा म वृद्धावस्था ले संबंधित विकार अऊ व्याधि मन के संग कई ठन शारीरिक अउ मानसिक रोग मन के आयुष के माध्यम ले उपचार करे गीस। ए ओपीडी म सबो प्रकार के चिकित्सा जांच अऊ इलाज नि:शुल्क प्रदान करे गीस।
आयुष कोति ले आयोजित प्रदेश के दू आयुर्वेद चिकित्सा महाविद्यालय मन के सियान जतन क्लिनिक मन म आज 108, पांच जिला आयुर्वेद अस्पताल म 177, स्पेशलाइज्ड थैरेपी सेंटर्स म 350, आयुष विंग्स म 238, आयुष पॉलीक्लीनिक मन म 167, औषधालय मन म 6080 अऊ सामुदायिक व प्राथमिक स्वास्थ्य केन्द्र मन म संचालित सह-स्थापित आयुष केन्द्र मन म 1958 सियान मन के इलाज होइस।