मुख्यमंत्री श्री साय ह विधानसभा के विशेष सत्र म पहिली सदस्य मन के करिन पुण्य स्मरण

रायपुर, मुख्यमंत्री श्री विष्णु देव साय ह छत्तीसगढ़ विधानसभा के विशेष सत्र के समय छत्तीसगढ़ के रजत यात्रा म योगदान देवइया तीन प्रमुख जनप्रतिनिधि श्रीमती रजनी ताई उपासने, श्री बनवारी लाल अग्रवाल अऊ श्री राधेश्याम शुक्ल के पुण्य स्मरण करिन।
मुख्यमंत्री साय ह कहिन के रायपुर के पहली महिला विधायक श्रीमती रजनी ताई उपासने राजनीतिक अऊ सामाजिक जीवन के प्रेरक व्यक्तित्व रहिन, उंखर निधन प्रदेश खातिर अपूरणीय क्षति हे। श्री बनवारी लाल अग्रवाल ल सुरता करत उमन कहिन के विधानसभा के पहिली उपाध्यक्ष, दू पइत के विधायक अऊ ऊंखर जनसेवा ले जुड़े काम, संगठन अऊ समाज के प्रति समर्पण, हम सब खातिर अनुकरणीय हे।
मुख्यमंत्री ह श्री राधेश्याम शुक्ल के बारे म कहिन के ओ मन ल अनुशासित अऊ कर्मनिष्ठ जनप्रतिनिधि के रूप म सुरता करे जाही। उंखर पूरा जीवन जनसेवा ल समर्पित रहिस, ऊंखर निधन ले प्रदेश ह एक प्रतिबद्ध नेता ल खो देहे हे। मुख्यमंत्री श्री साय ह तीनों दिवंगत विभूति मनके आत्मा के शांति अऊ परिजन मन ल संबल देहे खातिर ईश्वर ले प्रार्थना करिन।