धमतरी, जिला म विशेष टीकाकरण अभियान हफ्ता के दूसर चरण अवइया 06 जनवरी ले चालू होवत हे। मुख्य चिकित्सा अउ स्वास्थ्य अधिकारी डॉ. डी.के. तुर्रे ह बताइस कि ये अभियान विशेषकर 6, 8, 9, 11, 13, 15 अउ 16 जनवरी के आयोजित होही। ये अभियान म नियमित टीकाकरण ले छूटे लइका अउ गर्भवती दाई मन ल टीकाकृत करे जाही। जेखर बर गृह भेंट करके हितग्राही मन के सूची 15 दिन पहिली तियार सूची के अनुसार 46 लइका अउ 9 गर्भवती माता के संग स्कूली लइका मन ल डी.पी.टी. 5 साल 108 लइका, टी.डी. के टीका 10 साल 604 लइका अउ 16 साल 469 लइका ल टीकाकृत करे जाही। जेखर बर सूक्ष्म कार्ययोजना तियार कर लेहे गए हे। जेखर तहत ए.एन.एम. विहीन उपस्वास्थ्य केन्द्र चिन्हांकित करके, दूसर ए.एन.एम. के ड्यूटी लगाए गए हे। पहुंच विहीन गांव मन म पहुंचे के व्यवस्था करे गए हे। शहरी क्षेत्र मन के मलीन बस्ती, पलायन करइया समुदाय तक टीकाकरण के व्यवस्था ठउका करे गए हे।
धमतरी म विशेष टीकाकरण अभियान 06 जनवरी ले
