मसाला के खेती म छत्तीसगढ़ के बनत हे देश म नवा पहिचान

रायपुर, छत्तीसगढ़ म मसाला के खेती के दायरा बाढ़त जात हे। राज्य सरकार के किसान हितैषी नीति मन के खेती-किसानी के क्षेत्र म असर दिखत हे। किसान नवाचार कोति बढ़त हें। आम तौर म छत्तीसगढ़ म जेन किसान धान अऊ आन परम्परागत फसल के खेती करत रहिन, ओ मन अब मसाला के खेती कोति घलोक रूख करत हें। मसाला के खेती म छत्तीसगढ़ के देश म नवा पहिचान बनत हे।
छत्तीसगढ़ के जलवायु अऊ मिट्टी मसाला के खेती के अनुकूल होए के सेती उत्पादन घलोक अच्छा होवत हे। राज्य के किसान मन ल उत्पादन के संगे-संग अच्छा आमदनी घलोक मिलत हे। छत्तीसगढ़ म मसाला मन के मांग अऊ आपूर्ति म संतुलन के स्थिति आवत हे। ये समय मसाला के उत्पादन चार लाख मीट्रिक टन ले घलोक जादा के हे। संगेच ये क्षेत्र म अतीक उत्साहजनक परिणाम मिलत हे कि छत्तीसगढ़ ले धनिया के घलोक बीज आन राज्य मन ल आपूर्ति करे जात हे।