खेल प्रतिभा मन ल मिलीस नवा उड़ान
जशपुर, छत्तीसगढ़ सरकार के खेल प्रतिभा मन ल ग्रामीण अंचल ले उभारे के प्रतिबद्धता अब ज़मीनी हकीकत बनत जात हे। मुख्यमंत्री श्री विष्णु देव साय के मंशा के मुताबिक जशपुर जिला के दूरस्थ ग्राम पंचायत करडेगा म 10 लाख रुपिया के लागत ले खेल मैदान के निर्माण होय हे, जेन न केवल युवा मन के खेल भविष्य ल संवारही, भलुक ओ मन ल स्वस्थ जीवनशैली के दिशा म प्रेरित करही।
खेल प्रतिभा मन के पहिचान अऊ उंखर पोषण तभे संभव हे जब ओ मन ल अभ्यास अऊ प्रदर्शन बर जरूरी संसाधन अऊ सुविधा मिलय। इही सोच ल लेके प्रदेश के मुखिया श्री विष्णु देव साय खेल अधोसंरचना के विस्तार ल प्राथमिकता देवत हें। करडेगा के ये नवा खेल मैदान उंखर दूरदर्शी सोच के उदाहरण हे।
करडेगा के मनखे खेल के प्रति उत्साही हे, फेर अब तक उपयुक्त स्थान के कमी के चलते युवा पीढ़ी मोबाइल गेम्स अऊ निष्क्रिय जीवनशैली तक सीमित होत जात रहिन। फेर अब गांव ल एक अच्छा खेल परिसर मिले ले खेल के प्रति उंखर उत्साह अऊ ऊर्जा नवा आयाम पावत हे। महात्मा गांधी राष्ट्रीय ग्रामीण रोजगार गारंटी योजना (मनरेगा) अंतर्गत ए खेल मैदान के निर्माण दस लाख रुपिया ले कराए गए हे। खेल मैदान के निर्माण काम ले कुल 1459 मानव दिवस सृजित होए हे, जेखर से ग्रामवासी मन ल स्थानीय स्तर म रोजगार घलोक मिले हे।
10 लाख के लागत ले करडेगा म बनिस खेल मैदान
