दिल्ली, 26 मई 2021। खेल मंत्रालय ह 14.30 करोड़ रूपिया के कुल बजट अनुमान के संग 7 राज्य मन म कुल 143 खेलो इंडिया केंद्र सुरू करईया हे। ए केंद्र मन म एक-एक विशेष खेल के प्रशिक्षण प्रदान करे जाही। ए राज्य मन म महाराष्ट्र, मिजोरम, गोवा, कर्नाटक, मध्य प्रदेश, अरुणाचल प्रदेश अऊ मणिपुर सामिल हे।
महाराष्ट्र के 30 जिला मन म 3.60 करोड़ रूपिया के बजट अनुमान के संग 36 खेलो इंडिया केंद्रों के शुरुआत होही। मिजोरम म कोलासिब जिला म 20 लाख रूपिया के बजट अनुमान के संग 2 खेलो इंडिया केंद्र के शुभारम्भ होही। अरुणाचल प्रदेश म 26 जिला मन म 4.12 करोड़ रूपिया के बजट अनुमान के संग 52 खेलो इंडिया केंद्र खुलही। मध्य प्रदेश म 40 लाख रूपिया के बजट अनुमान के संग 4 खेलो इंडिया केंद्र ल शुरू करे जाही। कर्नाटक म 3.10 करोड़ रूपिया के बजट अनुमान के संग 31 खेलो इंडिया केंद्र खुलही। मणिपुर म 1.60 करोड़ रूपिया के बजट अनुमान के संग 16 खेलो इंडिया केंद्र शुरू होही। अइसनहे गोवा म 20 लाख रूपिया के बजट अनुमान के संग 2 खेलो इंडिया केंद्र खुलही।
ये प्रकार ले किलियर हे के केन्द्रीय खेल मंत्रालय ह 14.30 करोड़ रूपिया के कुल बजट म छत्तीसगढ़ ल भोंगटी टिकली तको नई देहे हे जबकि छत्तीसगढ़ म खेल प्रतिभा के कोनो कमी नई हे। केन्द्र ह सात साज्य मन म ये केन्द्र खोल के छत्तीसगढ़ ल टूंहू देखाए हे।
खेल मंत्रालय ह 7 राज्य मन म ‘खेलो इंडिया केंद्र’ खोले के मंजूरी दीस: छत्तीसगढ़ ल देखाईस टूंहू
