मुंगेली, 07 अगस्त 2024। मुख्यमंत्री श्री विष्णु देव साय सरकार कोति ले छत्तीसगढ़वासी मन ल अयोध्या धाम के दर्शन कराए बर श्रीरामलला दर्शन योजना के संचालन करे जात हे। योजना के तहत तीर्थयात्री मन ल अयोध्या म रामलला के दर्शन कराए जात हे। इही तारतम्य म काली मुंगेली विधायक श्री पुन्नूलाल मोहले, कलेक्टर श्री राहुल देव, वरिष्ठ पुलिस अधीक्षक श्री गिरिजा शंकर जायसवाल ह 64 यात्री मन के दल ल जिला कलेक्टोरेट परिसर ले हरी झंडी देखाके रवाना करिन। उमन तीर्थयात्री मन के गुलाल अउ पुष्पाहार ले स्वागत करके यात्रा बर शुभकामना दीन। बस म सवार ये तीर्थयात्री मुंगेली ले बिलासपुर रेलवे स्टेशन जाही अऊ वहां ले विशेष ट्रेन से अयोध्या बर निकलहीं। रवाना होए ले पहिली तीर्थयात्री मन म खासा उत्साह नजर आइस।
सबो तीर्थयात्री मन ह प्रसन्नता जाहिर करत सरकार के ए पहल बर धन्यवाद ज्ञापित करिन। ए सबो तीर्थयात्री मन ल रद्दा म खाए पीए, अयोध्या म रूके अऊ दर्शन के बाद वापस घर तक निःशुल्क पहुंचाए जाही। तीर्थ यात्रा के समय दू कर्मचारी देखरेख बर लगाए गे हे। ए अवसर म जनप्रतिनिधि अउ गणमान्य नागरिक मौजूद रहिन।
